ភ្នំពេញ៖ នាយករដ្ឋមន្ត្រីកម្ពុជា សម្តេចតេជោ ហ៊ុន សែន បានកោតសរសើរចំពោះកីឡាករបាល់ទាត់កម្ពុជា ដែលបានខិតខំប្រកួតបានយ៉ាងល្អ ក្នុងការប្រកួតបាល់ទាត់នៃព្រឹត្តិការណ៍ស៊ីហ្គេមជាមួយកីឡាករបាល់ទាត់ហ្វីលីពីនក្នុងលទ្ធផលស្មើគ្នា ១-១ នាយប់ថ្ងៃទី០២ ខែឧសភា ឆ្នាំ២០២៣ នៅពហុកីឡដ្ឋានជាតិអូឡាំពិក។

សម្តេចតេជោ បានជូនពរក្រុមកីឡាករកម្ពុជាឲ្យទទួលបានជោគជ័យក្នុងការប្រកួតជាបន្តទៀត។

ក្រោយបញ្ចប់ការប្រកួតទីពីរក្នុងពូល A នៅថ្ងៃនេះ ក្រុមបាល់ទាត់អាយុក្រោម ២២ឆ្នាំ កម្ពុជានៅតែបន្តឈរនៅចំណាត់ថ្នាក់លេខ១ ដដែល ក្រោយបានត្រឹមស្មើជម្រើសជាតិហ្វីលីពីនអាយុក្រោម ២២ឆ្នាំហ្វីលីពីន។

ការប្រកួតបន្ទាប់នៅក្នុងពូល A នឹងបន្តធ្វើឡើងនៅថ្ងៃទី០៤ ខែឧសភាខាងមុខ ដោយក្រុមឥណ្ឌូណេស៊ី ជួបជាមួយ មីយ៉ាន់ម៉ា នៅវេលាម៉ោង ៤ល្ងាច និងហ្វីលីពីន ប៉ះទីម័រខាងកើត វេលាម៉ោង ៧យប់ ខណៈកម្ពុជាសម្រាកពុំមានការប្រកួត៕